FlyOutHK

你可能會問過投資移民公司移民台灣好唔好? 佢地第一句一定會話: 香港同臺灣嘅文化好相似, 臺灣女仔又好溫柔, 移民成本又低，無論衣食住行都同香港差唔多。近幾年好多 港仔愛台灣、台妹，筆者好明白大家離港心切，但依個主觀概念其實呃左唔少人過去， 好多香港人嚟到台灣一、兩年之後都會唔適應當地嘅生活要返返去香港生活。所以喺大家做決定移民去台灣前要清楚了解好下面幾項事實。 語言方面 好多人都話香港同臺灣都係用繁體字，所以佢哋嘅文化就好相近。但係呢一個簡直係一個好大謬誤，你去到臺灣一開始大家可能會對你好好奇，因爲你係香港嚟，講嘅普通話好得意。但係當識耐左你之後，你唔能夠用自己嘅廣東話去表達，而你又唔能夠用國語去表達自己嘅睇法，就會產生文化嘅差異或者誤會。所以如果你去臺灣，你大概需要用十年時間去適應當地嘅語言文化。 飲食方面 一講起臺灣嘢食你可能會諗起魯肉飯、炸雞扒等等，又平又正。但係當你每日都食滷肉飯、雞扒之後，你就會發覺有陣時都幾厭。但係正如我哋之前在另外一篇文章比較台灣同英國開支時講過，在臺灣買野返屋企煮飯其實比喺出麵食更加貴，所以你會覺得好無可奈何，而且喺臺灣你唔會搵到有香港嘅所謂湯水飲，佢哋飲嘅都係貢丸湯。若果你有陣時真係好想食住家菜的話，你買餸嘅開支可能比起香港仲貴。 喺香港無論你去到幾夜你都係搵到有茶餐廳或者糖水店食，但係喺臺灣過咗夜晚 十點 之後，條街冇曬人，大部分嘅餐廳都已經關閉，剩返嘅就祇有一的夜店俾你去飲酒。 交通方面 去香港搭車好方便地鐵幾乎可以去到任何一個地方，就算夜晚通宵車你都可以有小巴或的士坐，一、兩百文就可以搭車返到屋企，唔使留連街頭或人地屋企。但係相反，其實臺灣比香港大好多，每一個城市都比香港大，如果你由林口去桃園一來一回都已經多過200蚊港紙。若果你玩夜咗，十一二點已經好難截到的士，所以好多人都自駕。 住宿方面 喺香港你萬幾蚊先租到一個三、四百呎嘅單位，仲要係交通唔係話最方便嘅地方。當然你亦都可以同屋企人住，噉就慳返一筆租金。相反喺臺灣，用返同一個價錢已經可以住起一啲臺北以外幾千呎嘅單位。 但係大家唔好忘記，如果你要喺台灣返工的話，大部分比較高薪水嘅工作都係喺臺北市中心，若果你住得較爲偏遠嘅地方，例如桃園林口呢啲地方，返工就會用兩個鐘左右，得不償失。 所以好多人都逼住起臺北市裏邊租一個房嚟住，但係租金其實都唔平，一間整整齊齊見得下人嘅屋都差唔多港元6000蚊左右，仲未計水電煤等開支，計返起都可能要七、八千先至搞得掂。但係喺臺灣嘅人工普遍都係港元二萬蚊內，你嘅租金已經冇咗一半啦。

一講起台灣投資移民, 很多從事文職工作的香港人都不知道將600萬台幣投資什麼生意好, 而本身香港人亦不多嗜好, 打工賺錢之餘當然要食餐好, 所以好多人都會在移民時打算開港式茶餐廳, 但是無經驗加上消費文化不同, 就算你在香港有經營開餐廳都未必能夠在台灣收支平衡, 就好像下面youtube頻道 <台式生活 高佬肥仔> 介紹的香港人一樣, 開餐廳時專攻優質食材, 可惜開了多個月都只得零星收入, 講到流晒眼淚 (記住開聲觀看) 最後靠一招反敗為勝, 其facebook更在短時間內吸納了8000個粉絲, 其經驗絕對值得移民台灣同路港人參考! 黯然消魂, 煙花女教路轉型