[夢幻Baby親子餐廳] 必去! 宜蘭親子餐廳 – 食夠台幣$300 無限時任玩

平時係香港同阿仔成日經過大樹先生, 佢都成日話要入去玩,但係一睇到個價錢, 我就真係唔係好捨得俾佢去喇。而且每次經過都見到好多人, 玩親都要排隊,迫到死, 慳家嘅我計落唔係好抵。今次無心插柳經宜蘭 丟丟噹親子民宿 介紹我哋地去佢哋旗下嘅呢間 宜蘭親子餐廳,發現佢哋嘅設施同香港大樹先生相差無幾 (反正都係黎自台灣), 但係價錢俾距地平易近人好多, 同埋唔洗點排隊玩, 小朋友玩得好盡興。

據民宿老闆透露,依間 宜蘭親子餐廳 開左1年,一共兩層,下層為餐廳, 專畀人食嘢嘅地方,而上面嗰層就係一個以太空主題的室內親子遊樂場。

正門

呢度嘅基本消費係每人$300臺币,如果你住喺丟丟噹親子民宿, 佢哋會免咗小朋友嘅$200人頭費。

圖片來源: 夢幻Baby親子餐廳 Facebook

即係話如果你一家三口去呢度玩又住喺民宿, 你只需要比 $300×2=$600 嘅最低消費金額,十分化算。其實一家人隨便叫少少嘢食一般都會過$600, 點餐完全冇睇價錢💰😊。

一樓用餐區有繽紛色彩既裝潢環境,呢度嘅野食除咗係針對小朋友為主 (薯條、甜品、 雪糕、 凍飲等等),當然有俾大人食嘅嘢, 例如有沙飯、 粉、 甚至乎連火鍋都有得食。

我哋三個人就叫咗一客薯條,一個多士甜品, 一杯果茶,同埋一杯凍飲。薯條比想像中脆, 而且分量好大,而多士亦都好好味。嗰果茶略為甜左一點, 可能係因為迎合返小朋友嘅口味。

食飽咗梗係去玩啦, 老婆食飽咗又唔想喐, 就叫我同阿仔上去玩,呢度都好細心咁裝有好多部cam,大人可以係電視睇到上層成個場小朋友活動狀況,就算大人喺下層食嘢休息亦都好放心。

上層二樓有唔同嘅遊戲區, 包括跳彈床、波波池、旋轉木馬、 攀石牆、同埋迷宮障礙賽。

由於上到去都只係得十個八個小朋友,阿仔可以放縱地跑黎跑去, 玩得好開心,因為玩每一樣嘢都唔使等,又唔會太逼, 更加唔需要擔心小朋友之間嘅身體碰撞。

阿仔玩到中途急尿,帶佢去廁所,發現在洗手間亦都好乾淨。而且有好多為小朋友高度而設嘅尿篼同埋洗手盤。

玩到兩点半鐘我哋就準備返民宿 check in, 餐廳店員亦主動都幫我哋call的士,三分鐘就有車嚟到,臨走前店員仲即場扭氣球畀阿仔作為紀念。

宜蘭親子餐廳

夢幻Baby親子餐廳

地址: 宜蘭縣羅東鎮中正北路151號

Facebook:
https://www.facebook.com/baobei2018888/

訂位電話: 039567588

Leave a Reply

Your email address will not be published. Required fields are marked *