宿霧太平洋航空 Cebu Pacific Refund 退票經驗分享

相信有請開工人姐姐既朋友都知道，佢地都好鐘意用一間航空公司叫做 宿霧太平洋航空 Cebu Pacific Air，主要鐘意佢地有一個內陸機，唔係住馬尼拉果班姐姐可以係機場機駁機，行少好多路，而且又舒服，可惜肺炎既出現令到佢番唔到去，所以要 REFUND 機票。

正常香港人唔去菲律賓應該唔會識依間 宿霧太平洋航空 Cebu Pacific，話說之前幫佢BOOK左4月機票，早兩日收到email 通知話 Schedule Change ，所有往返菲律賓航班取消直到5月底，我有三種選擇，退錢，預訂其它航班，KEEP住D錢之後再BOOK。

相信好多人唔洗點唸都會簡 Refund，反正唔知要等到幾時，到時間公司執鬼左就大件事。

當我簡左refund之後，我發現過左２個星期都未收到Refund去信用卡度，所以就打去佢地hotline +852-397-33800 打算問下，點知打左成個鐘一直都冇人接聽，官網又冇EMAIL address，真係好難聯絡到佢地。

再睇番佢地個 email，發現佢叫人去佢地既 Facebook 或 Twitter 度留言，到時會有人覆。冇辦法之下都要做，所以就留左言，點知神奇既事就發生：隔一晚就收到一個 Email　話退款正在進行中，當堂成個人都鬆晒。不過隔左1.5月都未收到Refund，所以應該係信用卡公司果邊要2-3個月後先至可以refund到。

之後問番工人姐姐，原來菲律賓人好鐘意用Facebook，係當地半官方工具，佢地用黎傾計，仲話好用過 whatsapp!

希望上面 Cebu Pacific 退票 Refund 經驗分享對大家有用。

後記: 小編最後要等5個月先可以收到refund，而且整個過程是要不斷EMAIL及FACEBOOK查詢，而佢地就不斷話比左錢我，只係信用卡公司未退，但實際係信用卡公司都未收到refund，最後同佢講話再唔退錢就報警，過幾日就收到退款。整個過程實在太驚險!

相關文章：　工人姐姐機票 – 問與答