移民台灣 之前一定要考慮呢幾樣嘢!

依幾日成日聽到有朋友講 移民台灣, 去飲茶食飯又聽到隔離枱講 移民台灣, 就連google 同 yahoo搜尋器,最多人搜尋又係 移民台灣。新聞紙以及好多論壇見到又係 移民台灣 嘅廣告。噉究竟 移民台灣 係咪真係咁容易,講到好似去到之後好似唔使錢噉? 若果你睇番轉頭,其實有唔少移民左去台灣的香港人都因為唔適應當地生活回流番香港,所以大家在移民之前一定要考慮下面幾項因素。

大家有冇諗過移民臺灣之後要用幾多開支呢? 它國家比較洗費如何? (有興趣可以參考台灣跟英國開支比較一文) 攞居民身份之前要需要使幾多錢呢? 有小朋友讀書讀國際學校又要幾多錢呢? 就算移民到臺灣冇工作做要供自己保健費用又要幾多錢呢? 有見及此小編喺呢度為大家簡單講解一下等大家做個預算。

台中是近年香港人熱門移民地方

移民台灣 基本資產要求

港人可以申請投資移民資格,申請人需要在台灣投資600萬元新台幣,即約158萬港元, 而且仲要在三年內維持最少2位員工 (這個要求是新加的, 2020年改制前後可以參考依位blogger 既post)。

粗略估計每位員工大概一萬元港幣, 兩名員工一年即是需要24萬港幣, 三年就即係大概50萬港幣左右。加上公司地址又唔可以用虛擬辦公室, 一定要有實際商業地址, 所以租一個正正常常辦公室都要幾千元港紙, 三年的話又係幾十萬元。即係話如果你移民過去臺灣你最基本要有220萬左右。以上費用仲未計你自己嘅基本開支同埋子女讀書嘅費用。想瞭解更多有關臺灣移民嘅基本要求可以按這裏

移民顧問費用 VS 自己申請費用

移民顧問嘅費用以坊間嘅基本收費嚟講誒平均每一個移民個案收你七萬元左右, 自己去申請的話就需要經過臺灣的會計師幫手, 費用就平好多大概$7000左右。以上全部都是以港元計算。自行申請可以參考這篇教學文章

移民台灣 讀書費用

以幼稚園嚟講費用大概三四千左右, 小學及中學的國際學校一個月大概兩三萬不等。以上都是講緊港幣, 所以同香港的國際學校相比價錢上沒有大分別。

移民台灣 日常開支

移民台灣基本開支包括租屋以及衣食住行嘅費用租屋比較便宜,大概一萬左右就可以在臺北附近新北市租到1000呎的新樓盤。若果你想住平啲都有更加多選擇, 不過就要去一啲比較離開臺北視覺軟嘅地方例如,宜蘭, 花蓮, 臺中, 臺南墾丁, 高雄等等, 大概$5000左右都有交易。

所以住宿方面比較豐儉由人。食飯通常在臺灣都係出邊食飯會俾自己煮便宜, 尤其是你去超市買外國貨你會發現比香港更加貴,而電腦用品亦都是比香港貴, 因為有稅嘅關係。所以一般人嘅使費大概一個月一萬元港元左右。詳情可以參考這篇跟英國開支比較表。

如何在台灣工作賺取收入?

喺移民台灣期間你絕對唔可以在臺灣打工, 因為噉樣即係同本地人去搶生意。所以你要預備定一筆錢而作生活開支, 直到你取得國民身份。噉你之後就可以去搵工, 但係喺臺灣一定要識得講普通話或者台語, 所以對香港人嚟講好難搵到一份高薪嘅人工。

反而去臺灣做兼職嘅時薪同香港差唔多, 大概一個小時有40-50元左右。而香港人好多都係喺香港有一層樓然後移民去台灣, 再用香港收租返嚟嘅收入,去畀自己用嚟喺臺灣應付租金以及一切日常開支。

好少聽到有香港人移民咗去臺灣仲可以真係搵到一份好似香港咁高薪嘅工作, 除非自己係老細啦。所以大家係諗住問臺灣之前你首先要諗嘅係你現在手上邊有幾多資產, 而呢啲資產可唔可以應付你又而家去到,你唔諗住下嘅人生嘅全部開支如果唔得嘅話,你可能要移民完之後又返嚟香港搵工喇。

相關文章: 移民台灣101問與答