去親添好運都要排隊? 去依間分店啦, 即入唔洗排隊等位!

小編一向都鐘意食野, 但係對於要排隊一向都係採取零容忍態度。食嘢食45分鐘但排隊排一小時，實在不符合經濟效益，就算再好味的食物亦都不應該這樣。

就以添好運為例，無論你在深水埗分店或者在香港站分店，你一係買外賣一係堂食，買外買只需等十分鐘左右, 但缺點係要即刻食。堂食一定需要等超過30分鐘，加上等待期間腎上腺指數實會上升, 令到你心情不太愉快，加上前面或者後邊排緊隊嘅人都會不經意或不小心地有所碰撞, 帶住小朋友排隊就有點煩。

而且座位十分逼夾，令到你食得都不自在。個人覺得享受食物係需要有一個良好嘅環境，再加上愉快嘅心情，噉樣先至食得出深層次嘅味道。

好彩今次經過西九龍高鐵站，比我發覺這間添好運十分之大，基本上佔咗全層面積，所以一去到就根本唔需要等位, 有時更係位等人。而且傳菜嘅速度十分之快完工亦都十分充足。

噉樣先至叫做服務，最好嘅當然係添好運唔會有加入嘅收費，比起傳統酒家，雖然價錢貴少少, 但是，免卻加一，又有良好嘅服務，呢啲錢絕對值得比。

另外, klook 亦都有添好運$80套餐 coupon, 有興趣按此。

最緊要呢度食完嘢有好大嘅地方俾小朋友跑，最啱就係親子活動，室內同室外都有嘢玩，例如，室外有西九天空走廊，隔籬又有圓方商場可以溜冰，玩足大半日加放電唔係大問題。