[台灣即日來回實測]台北即日來回深度遊 ~慢活@忠孝敦化

May 17, 2019 admin

之前在網上看到有達人在網上分享日本東京即日來回行程，放工後搭凌晨機去，回程搭翌日凌晨機返香港，行程密到爆，而機票連稅用左$681。

小編受到啟發，決定黎個台北即日來回體驗!點解簡台北？好明顯係貪佢夠近，一個鐘左右就到，所需時間同坐地鐵由將軍澳去深圳差唔多，夠晒方便。不過由於唔係18、22歲既關係，小編反而安排左一個好 relax 既行程 (當然有 tea time啦！)。

即日來回既先決條件就當然係平機票，冇平機票就一定唔會咁玩，除非你好富貴啦！小編今次就用就快到期既 Asia Miles 積分去換台北機票，淨係比兩三百蚊稅就得，今次坐既係 CX474 8:10am 早機。廢話少講，首先比個行程大家睇先：

08：10 am 香港機場

坐早機當然要早起身，想遲 d 到機場可以好似我咁預先 online check in 同簡位，早50分鐘到達就得。去到閘口先買 Starbucks 做早餐。

CX當然有飛機餐，不過唔好食，所以飲野就算。

機餐好簡單：一塊咬唔爛既餅，一個 wrap好濟既，一個紙包飲品。不過唔洗錢就唔好要求咁多!

09：50am 台北機場

小編預先上網做簽證，所以入境用左15分鐘就攪掂，等行李都係幾分鍾，一切都好順利!

10：30am 買國光巴士車票

10：33am 就上埋國光客運去台北車站，落車都係11：12am.

12：00pm 食午餐

由於得一日時間，所以小編事前已經做足準備，plan 定忠孝敦化路附近有咩野玩同食，黎到台北第一餐就係試下這間要提早一星訂位既鬆馳熊主題餐廳啦！

去到既時候已經有超多台灣少女進餐。

估唔到時物質素都唔錯，而且都幾飽!

13:00pm shopping

其實由忠孝敦化站行到去市政府站都有好多購物熱點,coffee shop,家品店等等，而小編今次集中行明曜商場，當中唔少得香港o仲未有的日本名店 GU 啦！

14:30pm 松山文創園區 + 誠品

依個地方係新開的，仲好有文化氣息，扮文青就最岩。而誠品就係隔離，買手信就岩晒。

16：00pm Tea time @誠品

買完手信行到攰就當然要食番個 tea 啦！

17：00pm 食燒肉

由松山文化區行15分鐘就可以去到依間台北四大燒肉店，簡食燒肉既原因係細細件唔太飽，夜少少可以留肚再食其它野。依間野超好食，而且用澳洲牛，以為好貴，點知埋單兩人加埋都係1000蚊台幣，即係250蚊港幣，抵到爆! 係香港食依餐分分鐘要過千。

18：00pm 岩盤浴

去台灣成日都係浸温泉，今次就試下 d新野叫岩盤浴，仲話可以減肥添，當然要試下啦！依間野就係燒肉店行10分鐘左右就到。

岩盤浴係咩野? 岩盤浴通過發汗來促進新陳代謝。由於遠紅外線的加熱和負氧離子的作用，流出大量的清澈的汗液，體內的血液也變得清澈順暢。新陳代謝加快，再加上遠紅外線的效果使體內脂肪燃燒。效果包括: 代謝的改善、恢復疲勞、排毒、減肥和肌膚年輕化而達到的美容等等效果。還有，體內涼性的改善、血液循環的改善、自然治愈能力的提高、護膚效果、免疫力增強、肩周炎的改善、減肥效果、防止衰老、促進新陳代謝、緩解便秘、排毒、精神緊張的消除和減緩等等效果。