[岡山攻略] 日本空中單車: 鷲羽山遊樂園

剛剛睇完森美旅行團之後,發現佢哋介紹一個日本岡山縣嘅空中單車。其實呢個樂園喺好早之前已經有架喇,唔係什麼最新嘅玩意。不過,佢有全日本最恐怖遊樂園嘅稱號, 可想而知驚嚇到有幾大啦。

佢最大嘅特色就係可以起四層樓高嘅空中,亦即係離哋16米, 遠望日本岡山縣美景,可以邊踩單車邊睇靚景, 尤其是去到最尾果段風景更加正。

鷲羽山遊樂園(鷲羽山ハイランド)
地址: 岡山縣倉敷市下津井吹上303-1
網址: http://www.w-highland.co.jp/
票價
成人(中學生以上)2,800日元
兒童(小學生)2,200日元
幼兒(3歲以上)1,700日元
中老年(50歲以上)1,700日元
60歲以上的老年人,如持有桃太郎卡免費

空中單車/腳踏車係需要自行踩踏嘅,如果沒有力氣或勇氣去踩,呢架車只會停留係空中。所以奉勸大家,如果郁膽就唔好去踩啦! 因為你一腳軟就停留起空中, 你就會更加驚,而當你一向下望你就會驚到落唔到嚟喇。

見到依個玩意你都咪話唔驚,當然你亦都會諗日本嘢梗係會安全啲啦! 但係實際上保你平安嘅祇有一條掛喺車上嘅安全扣,而且仲要唔係安全帶。

當然就算你唔畏高,你見到佢呢條單車軌,再加上呢個支撐架,睇落去都生曬鏽咁滯,而且有啲老化, 其實佢底下完全沒有加裝安全網嘅,所以如果你一路嚮前行呢,又聽到嘞嘞嘞聲,你個心都跳埋出黎。

話說回頭, 呢個樂園被稱為日本最恐怖嘅遊樂園,但係咁多年嚟講,設施雖然恐怖但係都未發生過任何傷亡事故。咁樣唔知會唔會令大家更加放心去玩呢。

除咗空中單車之外, 呢個公園仲有好多嘢玩嘅, 唔一定要淨係玩空中單車,當中包括跳樓機啦,仲有roller,空中千秋,旋轉陀螺, 迷你動物園。