日式放題 $65都唔洗, 究竟點樣賺錢?
大家都知香港人識飲識食, 而香港人識揾錢都不容置疑, 租金同人工咁貴，仲可以午市用$65都唔洗既價錢食到 日式放題+定食, 就連日本本土都好難揾到依個價錢既午餐。究竟日式放題係點賺錢呢？今次等小編親身去銅鑼灣實地觀察。
“日式” 不等於日本貨源
首先，我地要留意番，香港既日式定食店既野食唔一定係來自日本，如果用料係100%來自日本，價錢應該同周奕瑋在東京留學時經常光顧這間海鮮丼店一樣，最平個海鮮丼 (
鯛魚、扇貝、牡丹蝦和多款魚生) 都要800（~HKD$56）！
去日本旅行食個15款刺身海鮮丼價錢最平¥1500 (~HK$104)。
轉數快 香港人出名轉數快，唔單止要腦部轉數快，仲要每張枱轉數快先可以一個午市做到兩至三轉客。所以食親放題都設有限時係常識吧。
食客做埋待應
而做得放題既老闆一航都睇中香港人工貴同難請人依一點，做放題基本上樓面所需要既人手比做餐廳少，慳番不少人工成本， 樓面只需要放一兩個人收單同送餐就搞掂。 一個員工既人工絕對夠cover出面比人任食既食材。
再加上唔係個個人食得，女性通常比男性細食，所以食唔到幾多。如果揾到平價貨源(做得依D生意通常識得批發商)，唔簡地舖開食店，開支自然小D。
除此之外，食材唔需要多，只需要多加配搭令 menu 睇起上黎好似好多野食咁，自然令人覺得多選擇。
基本上食左2碗野食都令戰鬥力大減。
日式放題點樣賺錢?
話雖如此，最大成本都係租金同人工，所以午市既收入只能用來交水、電、媒、冷氣、入貨等開支，真正戲玉係晚市，所以價錢會比午市貴好多。咁樣咪可以睇番租金、人工同埋net profit。
有數得計，好保守假設每月
租金: $150,000
人工: $180,000
入貨: $100,000
雜項開支: $50,000
午市收入: $65 X 100個位 X 每張枱2轉 X 30 = $390,000/月
晚市收入: $248 X 100個位 X 每張枱2轉 X 30 = $1,488,000/月
純利: $1,902,000 / 月
只要分店開得夠多，同埋用唔同名，就自然可以上市啦!
都係果句，要食到好味既日式料理，當然要去日本啦!
