港爸港媽必去渡假天堂 – 宜蘭晶英酒店 | 宜蘭親子酒店推介

May 6, 2019September 29, 2020 admin 宜蘭住宿, 宜蘭必住, 宜蘭晶英酒店, 宜蘭親子酒店, 宜蘭親子酒店推介, 宜蘭親子飯店, 宜蘭酒店推薦, 宿蘭住宿, 跑車, 陳敏芝宜蘭, 電動車

喺香港呢個石屎森林, 由於缺乏小朋友活動嘅地方，唔係行街就係食飯, 所以一直都好希望帶小朋友去郊野吸收一下新鮮空氣。趁住4月有一個假期, 我下定決心，帶住小朋友一家人去宜蘭呢個又有大自然活動、親子酒店、親子餐廳嘅好地方, 可以一邊玩一邊學習。加上台灣消費便宜, 入住網上既宜蘭親子酒店推介絕對係一個好選擇。

由於今次只留係宜蘭3日2夜, 喺行程方面我哋要安排得十分精准，絕對唔容許任何浪費時間, 尤其是喺交通上，所以我哋一定要以親子友善同埋方便位準。

小編就係根據呢個原則，去選擇酒店，但係發現原來宜蘭有好多間親子酒店, 花多眼亂。而且佢哋各有各好嘅地方。最後，我喺咁多酒店之中揀選咗宜蘭晶英酒店住一晚。原因有以下幾個:

一. 香港明星索腿天后陳敏之早前都入住過呢間酒店，並且係佢嘅社交平臺大讚呢間酒店好正。就算去到發覺唔好都唔係我既錯, 老婆唔會怪我。

二. 酒店樓下就係商場，而且有各種生活必需品同餐廳, 對於帶住小朋友嘅家庭，呢個係一個很大的優勢。

三. 兒童室內室外設施多不勝數，而且有免費戲睇，絕對係落雨既一個後備方案。

四. 在網上酒店平臺，有好好嘅評價。以 booking.com 為例，評分為9分。

五. 地點方便，附近有唔少旅遊景點，如幾米公園, 打個的士就可以去做，唔使10分鐘。

六. 酒店嘅櫻桃鴨亦都係十分出名，我哋唔使行嚟行去揾野食, 直接喺酒店裏邊進食就可以慳返唔少時間。(可按此參考紅樓食後評價)

七. 五星級酒店, 而且價錢非常之有競爭力。 (查詢最便宜房價)

下面為酒店官方介紹片段:

在抵達臺北前兩天，酒店嗰邊主動聯絡我，好細心地問我會點樣搭車過嚟，並且會好簡單地簡介有乜嘢一定要玩，服務夠主動簡直一流。

酒店大堂係喺六樓，一上到去我嘅小朋友已經畀嗰度嘅電動車吸引住。佢仲不斷叫我幫佢影相。

酒店六樓除咗有小朋友玩嘅地方之外，仲有幾間餐廳同埋一間好出名嘅，紅樓餐廳。食櫻桃鴨係宜蘭最出名嘅。所有的士司機都推介呢一間，識飲識食嘅我當然唔可以錯過，預先上網book定位, 試下佢係咪真係咁好食。

文章目錄

生活機能

叫得做宜蘭親子酒店，當然生活機能十分方便。由於去到只係12點多，我哋去咗個連接住酒店嘅商場 Luna Plaza 食咗個午餐，先至再過返嚟。商場嘅嘢食超多，所有嘢食都大概喺四樓嗰度搵到, 而且仲有玩具店。

因為一嚟到就開始落雨，完全冇停過，直接去商場食飯同埋玩，就可以消耗兩個小時，然後再返酒店去辦理入住手續，完全唔需要擔遮，一個字正。

辦理入住手續嘅時候，櫃檯小姐講解如果住夠兩晚其實可以免費租一架車，而且沒有時間限制, 可惜我今次只住得一晚。不過第二日我都特登落咗去租車處睇下啲車係點樣。

Carstel 免費租歐洲車自駕

一睇之下就發覺自己真係走寶，前一日自己重要坐的士去附近嘅景點，如羅東夜市、小米公園。早知係噉我就可以自己到達咗第二天之後，自駕帶住小朋友玩半日，落雨都唔驚啦。

我再問多少少詳情，原來發現佢地有成30架車，從來未出現過有人冇車租嘅情況，而且啲車好鬼死新，仲可以揀七人車租添。

依個免費服務真係值得一讚, 幫大家慳返唔少的士錢啊，大家計下由酒店去羅東夜市, 牧場同埋去幾米公園都用咗我二千文臺币。

最抵死嘅地方亦都係最值得摣車嘅地方就係，佢唔使好似啲租車公司噉要早幾日或者早幾個禮拜喺網上訂定架車，你去到宜蘭酒店入住咗之後，隨時都可以去B2
Carstel 問佢借車，車款仲要係歐洲車，包括 Touran、Golf及Beetle，每間房可享有免費駕駛100公里!

同埋啲油唔使幫佢入返就可以還車，除咗 “趙完松” 依個字之外，我都唸知到用乜嘢去形容呢種咁正嘅感覺。可惜今次唔知道，如果唔係我一定會喺香港申請返個國際牌，住番2晚然後去借車。

酒店設施及服務

酒店係三點可以開始入住，但係我哋兩点半鐘左右返去，酒店都可以俾我哋提早小小入住喇，而且唔需要喺櫃位等好耐，櫃位小姐亦講解酒店每個活動十分之詳細。並且會叫人幫我哋將行李送上房，完全唔需要好似其他酒店噉狼狽，一隻手拖住小朋友，另外一隻手推行李箱。5星級果然係唔同d!

今次入住嘅酒店房間係喺八樓，上到八樓，就見到一排電動車 / 跑車同埋一個車房。唔好話小朋友，就算大人都畀佢哋吸引住, 好想自己坐上去玩。

簡單嚟講，宜蘭晶英酒店八及九樓嘅酒店樓層走廊全部都係賽車嘅賽道，小朋友可以自由選擇任何嘅車，係馬路上風馳電掣地片車。

房間設施

今次我地住既房號係823, 一打開門又有驚喜，小朋友都尖叫起嚟，原因係房間除咗有一張好大嘅床之外，隔籬仲有一個小帳篷，完全開正小朋友最鍾意嗰範，而且夠實用，足夠兩個人瞓埋一齊，夜晚可以喺度講故事同埋傾一陣偈先至瞓。

如果小朋友夜晚想瞓返上大床，亦都冇問題，因為張大床可以足夠一家三口訓，而且旁邊仲加防跌圍板，防止小朋友跌落地下。

當我同阿仔喺度睇緊個帳篷嘅時候，發覺唔見咗媽媽，原來佢去左洗手間裏邊研究咗好耐都未出嚟。我問佢有乜嘢咁特別，佢就叫我自己去睇。

一入到去我就畀個風筒吸引住，因為佢係 Dyson風筒。我完全冇諗過佢真係會有呢隻牌子嘅風筒。

除此之外仲有嘅護膚品洗頭液都係L’Occitane 嘅牌子。

酒店亦都好照顧小朋友嘅需要，佢哋用嘅牌子係斯巴嘅嬰兒泡泡浴露，洗髮乳，潤膚乳，而牙膏亦都有高露潔牙膏兒童版同埋 minion兒童牙刷。

而且房間裏邊有日本酒店成日見到, 並具有濕度控制，空氣淨化及除臭功能機，仲要係日本牌子。

個人覺得這間臺灣酒店比起日本嘅親子酒店更加細心，而且唔絕對唔會吝嗇，好大方噉樣俾客人使用酒店嘅資源。

另外沐浴設施有浴缸同埋企缸兩個選擇。企江仲有兒童嘅沖涼盆，同埋有張凳畀佢哋坐低沖涼，十分之夠方便，而且，佢哋係採用乾濕分離，坐廁同企缸係分開兩個房進行，唔會整到周圍都濕晒，值得一讚。

再往下看就係見到一張黄色長発，畀一啲唔夠高嘅小朋友企高洗手, 洗面同刷牙。呢一個工具我都係第一次見到酒店有。體貼感加多一分。

除此之外，衣櫃裏邊亦都有好多親子相關嘅設施。小編去旅行唔鍾意帶拖鞋，因為行李箱會被佔用左d位，而且返嚟香港又要循例洗返乾淨。但係一般酒店都唔會提供小朋友拖鞋，所以今次又帶左阿仔對拖鞋過黎。

晶英酒店好貼心噉樣為大家安排咗拖鞋，而且衣櫃裏邊嘅拖鞋有小朋友嘅尺寸, 亦都有大人嘅尺寸，如果尺寸唔啱你更可以去櫃檯聯絡服務員, 佢哋會幫你搵到一款啱小朋友尺寸嘅鞋。

另外，如果你去開旅行，都會發覺好多衣架都係大人衣架唔係好啱小朋友使用，今次而家酒店亦都好，細心咁樣為小朋友準備埋較為細事嘅衣架，而且上邊有小朋友鍾意嘅圖案。

呢間酒店嘅房間另一個大賣點就係唔只間房大，佢有一個好大嘅露臺。

起露臺望出去，睇到泳池景，夜晚仲可以睇到成個宜蘭燈火通明嘅美麗夜景。我哋一家三口夜晚臨上牀瞓覺之前，坐咗喺度傾下偈談下心，真係可以促進親子關係。

至於其他房間內嘅設施包括iphone 無線充電器、名牌子咖啡機，NESPRESSO膠囊，TWG茶包，水果，以及宜蘭餅乾等等。

兒童活動及設施

至於酒店嘅設施更加係多不勝數。純粹講喺走廊摣車都可以玩個幾兩個鐘。而我哋房間一打開門口就係 芬朵奇堡 。

依個地方係一個露天廣場上有一座巨型充氣堡壘比人溜滑梯，星期日都唔洗點排隊，單單依個溜滑梯阿仔已經玩左一個鐘，另外仲有得跳彈床同埋波波池玩。

依個露天廣場中間係比小朋友學習交通規則既學車中心，小朋友可以駕駛住自己既車係馬路上行走。

玩到累仲可以去 ㄛㄨㄛ屋 同小朋友睇下書或者休息下。

酒店除左充足設施之外, 仲有唔少課程提供畀住客享用。例如佢哋有繽紛彩繪玻璃芬朵、童話時間-有大哥哥姐姐講故事比小朋友聽，亦有尋寶活動。

家長設施

另外酒店 豐華會 亦都有游泳池及spa 等設施。大人倦了，可以去 沐蘭SPA 做返個spa , 而且價錢比香港實惠，喺香港5星級酒店絕對享受唔到這種價錢 (TWD4500/2hrs)。

酒店亦都顧及大人嘅需要, 早上更有帶氧課程，例如瑜伽課、柏拉提、創意有氧、熱舞派對、瘦身有氧。

唔可以唔提嘅另外一個酒店設施就係可以係 新月豪華影城 電影可以免費無限任睇。

雖然喺入住之前已經知道，起初只係以為只可以睇到一啲比較舊嘅電影，點知道一落到去六樓大堂揀電影嘅時候，發現連香港剛剛上畫嘅英雄聯盟4 以及小飛象都有得睇。

而且攞飛好簡單，只需要喺六樓櫃檯講出自己房號攞飛，然後準時去三樓戲院睇戲就得喇。

經我瞭解過之後原來唔係喺呢度住, 但係喺呢度睇戲嘅人係需要俾正價戲飛嘅，噉計返睇兩套戲都抵返曬喇。可惜我只有一晚時間, 邊做到咁多野呀！？都係果句，住兩晚時間會好用啲! (查詢兩晚價錢)

早餐餐飲

早餐方面, 酒店進餐地方係6樓 蘭城百匯, 食物水準同其它5星級酒店一樣, 應有盡有, 而且有小朋友餐具，早餐時間為7:00－10:30。

眾多食物中最❤得我鐘意就係佢d 野支裝飲任攞任飲, 款式眾多, 包括補礦力, Perrier 蒸餾水等等, 而且仲會不斷補貨，平時係香港都唔捨得飲, 而家可以飲過夠! 阿仔當然亦都食得好開心啦。

如果要講酒店嘅缺點，我只可以話係，入住時間需要3点鐘先入得，而退房嘅時間係11點, 玩既時間加埋少於6-7小時, 如果入住一晚的話，完全唔夠時間玩曬所有活動, 加上小朋友又要時間warm up, 所以只能玩得2-3 樣野。

檢討返今次嘅入住經驗，下次再嚟嘅時候, 最少會訂返兩晚酒店去攞架免費車，然後再要去埋 窩窩樂 WOW WOW LAND ，有劇院同兒童酒吧 (免費飲品+ 小點心) ，依度仲有酒店人員幫你睇住小朋友，噉我就可以同老婆去拍拖，同埋去3樓睇番套戲輕鬆一下，促進下我哋夫妻關係啦。

總括嚟講老婆今次都贊我揀酒店揀得好，而個仔亦都玩得好開心, 仲要唔捨得走!　宜蘭晶英酒店絕對係宜蘭親子酒店推介之首選！

宜蘭晶英酒店

地址: 宜蘭市民權路二段36號

官方網站: https://www.silksplace-yilan.com.tw

訂房連結: Agoda | Booking.com | Hotelcombined 格價

FlyOutHK

港爸港媽必去渡假天堂 – 宜蘭晶英酒店 | 宜蘭親子酒店推介