百年找換店電話打極唔通之謎?!

相信去過旅行的人都對百年找換店都唔會陌生，因為個個都貪佢滙價平，又係市區，如果在中環區上班的人都會去排隊換錢，所以每天都有很多人在排隊，為既就係慳番個幾十蚊。但係自從小編出左日元匯價攻略一文後，有網民報料話百年找換店做出個名，而家唔憂做，個個都以為佢最抵，所以電話長期打極唔通。加上佢話百年找換店匯價而家唔係最抵，電話又打極唔通，上到去又要排隊排半小時至一個鐘，大熱時冇冷氣都幾係野。出於好奇，小編爬文一下，發現早在2013年己經有人在高登及baby Kingdom討論以上問題，詳情自已睇:

http://forum5.hkgolden.com/view.aspx?type=FN&message=4438818

http://www.baby-kingdom.com/forum.php?mod=viewthread&tid=4005174

http://forum.thailandfans.com/forum/archiver/?tid-125856.html

對小編來說，排隊及服務態度都並不是問題，匯價平才是最重要，最驚係排完先知個價唱貴左，咁先心痛。為求真相，小編特登實戰測試這間人人都話平的找換店是否真係全城最平。首先，小弟在2015年9月29日日早上10點試過打電話去問價，點知真係如上所講，打左去百年找換店三十分鐘都打唔通，於是只好上百年找換店網頁睇匯價。

為左證明百年係唔係最平定係比人貴，小編在網上揾左其它公司跟它做比較。經網上爬文一番後，發現中銀電匯(TT)都好抵，正好用兩間公司做個比較。以下係根據百年找換店同中銀2015年9月29日網頁上的匯價作出的比較表。請留意，小編只列出中銀電匯價作比較:

從以上比較表可見，除左美元之外，中銀的電匯(TT)價真係比百年找換店現金價抵。而百年找換店的電匯價除左日元外，其它都比中銀抵少少。但係由於係找換店做電匯有風險而手續又煩，所以就算抵小編只會係中銀online 做，禁個制攪掂!

為左證明中銀個電匯價係堅，小編以自己的中銀戶口由儲蓄戶口轉日元到外幣戶口做測試，結果如下:

從上圖可見，中銀即時港元兌日元匯價係0.06486，跟中銀網頁公佈的0.06489相近。即係話同樣以HKD10,000計，依個匯價比百年找換店現金兌換價可換多HKD213!!以後換錢又多個選擇。

不過首先你要有中銀戶口同e-banking，值得留意的是中銀電匯攞錢設有每日限額，以日元黎講，每日只可以攞JPY70,000，所以唱多錢既朋友需要分幾轉攞。不過好就好在銀行有冷氣！