[簽證攻略] 美國Visa 簽證懶人包

去美國又點可以缺少美國visa 簽證 ?如果你想去美國但又諗起要搞一大輪申請簽證 VISA,咁呢篇文章你一定要bookmark! 我哋會以問與答方式,令你深入淺出. 美國簽證 要點樣申請、有啲乜嘢要注意、會遇到啲咩問題,都會詳細step by step講解, 只要知道點做,申請美國簽證一啲都唔麻煩, 簡直係易如反掌,去美國旅行冇難道!唔理你係第一次申請美國簽證或續期, 申請流程大致上差唔多。另外你可能唔知道, 即使你本護照已經到期,但簽證可能仍然有效。

提一提大家:打算去美國旅行的朋友要預早申請美國旅遊簽證呢!申請美國旅遊簽證的準備文件較多,填表格之後, 要預約前往美國駐港澳總領事館進行面試,然後等侯批准簽證。

Q: 我需要申請邊種美國Visa 簽證?

A: 美國簽證有好多種類,因為每種簽證所需要提交嘅文件都唔同,所以第一個步驟就係先根據閣下目的選取適合自己嘅簽證類別!

最多人申請嘅應該係商務/觀光簽證,亦即係我哋口中講嘅 B-1/B-2, 只要去美國嘅目的係旅遊或者商務,甚至係去美國就醫,申請呢種簽證就最適合不過啦!

當然無論申請邊種類型嘅美國簽證都好, 根據美國簽證法例,大部分非移民簽證申請人必須向領事官員證明暫時居留期完後離開美國的計劃。

Q: 申請商務/觀光簽證需要咩資料?

A:  美國Visa 基本申請要求資料如下:

  1. DS-160表格
  2. 有效護照
  3. 內附美國簽證嘅舊護照(如有)
  4. 一張六個月內拍攝嘅彩色大頭照(5cm x 5cm)呢度有詳細說明。
  5. 一張以港幣繳付簽證申請費美金$160元嘅繳費收據
  6. 一張面試預約信(面試可以按此預約
  7. 其他情況:
  • 如果有研究科學領域,或具有技術、科學背景嘅人,可能會被要求提供額外嘅文件
  • 如果曾經放棄美國永久居民身份或綠卡 ,要攜帶放棄證明

小編再次提醒:記得要帶齊全部文件,同埋喺去面談前一定要準備好,否則可能會被拒絕面談!

Q: 我可唔可以申請豁免簽證計劃?

A: 香港特別行政區現時未加入美國豁免簽證計劃裡面,所以一般持BNO及特區護照嘅香港人都需要申請簽證。

Q: 我本護照就快到期,仲可唔可以申請到簽證?

A: 返去美國當然一定要有效護照,而護照有效期必須係你準備停留美國期間往後最少六個月。

Q: 表格DS-160可以喺邊度下載?

A: 申請商務/觀光簽證填寫DS-160表格可以係依度下載: 表格連結

Q. 申請嘅流程係點?

  1. 填妥DS-160
  2. 安排預約:填好資料後就會進入繳費頁面,你會拎到個繳費Barcard,需進行繳費先可以繼續成個流程~
  3. 交簽證費
  4. 完成預約:將繳費條碼輸入就可版(輸入時記得刪除前三碼)
  5. 前往美國領事館面談:記得帶齊所有必備資料
  6. 領取簽證:批咗之後護照會寄返去預約時揀嘅地點

Q: DS-160有咩野要注意?

A:  首先,在網上填DS-160只限用全英文,而且必須全程使用大草,填寫時如果閒置超過20分鐘,會直接失效,就必須重嚟過㗎啦。而且DS-160必須喺前往美國領事館前於線上繳交完畢,填妥後一定記得要列印確認頁(有Barcode嗰頁),面試時要提供證明。而且DS-160係每個人都要個別填寫一份!另外,記住留番個copy比自己

除此之外,仲有以下注意事項:

  1. 準備好一張2″X 2″ (即5cm X 5cm)證件相,要白底、見耳仔同埋額頭,唔好帶眼鏡,並且要在近六個月內影。這裡有相片指引,唔明自己睇。微笑是可以接受,但大笑或者面部表情太誇張就不可以。
  2. 網上填form最好預留1個鐘。不過,你如果冇咁多時間,都可以save起黎慢慢填,然後於另一時間再次登入繼續填寫。
  3. 現在可以於網上用信用卡繳交簽證費用USD160。
  4. 記住要填入住酒店地址及名稱,還有簡單行程。(未唸定酒店同行程可以填住依度較為多人識果幾間先: 連結)
  5. 簽證類別時,如果你只是去旅行,請選擇「B1/B2」訪客簽證。(註解: B-1是商務Business;B-2是旅遊或醫療)
  6. 表格中會問你有沒有親戚或者朋友是美國居民,假如你是以旅行渡假為目的,便請表示「沒有」,因為美國政府好驚黑工,所以你有填入住酒店和沒有親朋在美國,會減低他們的疑心。
  7. 表格要你填寫「Contact Person」,請填寫你入住酒店的名稱及地址。(未唸定酒店可以填住依度較為多人識果幾間先: 連結)
  8. 填完表格後,你可以print 個Confirmation出黎,同時也可以輸入email,系統會寄一份給你存檔,環保D﹗
  9. 交了簽證費以後,你就可以前往預約頁面,一般最快要2個星期後。而面見時段有「Business Fast Track」,是比上班一族係8點開始面見,方便大家唔洗請假。

Q. 點預約面談?

面談喺呢度預約,填寫前記得準備好護照號碼、DS-160條碼以便填寫,面試預約成功後都記得要印出嚟!

Q: 預約後可唔可改面談日期?

A: 可以,但記住次數有限,唸清楚先好約!

Q: 要去邊度比錢?

A: 可以網上申請時即時付款,比完一定要影底confirmation,你亦可以選擇去7-11用現金比錢,但要預先打印簽證申請費用支付通知單 用黎比錢,記住一定要保留收據,因為你要用上面嘅收據號嚟預約,唔見咗就冇。

Q: 面試仲要帶咩文件?

A: 除了以下嘅必備資料外,仲需要準備埋補充文件。不過呢啲都只係佢哋見面時考慮嘅其中一項因素,面試官仲會睇埋其他因素先決定批唔批你嘅簽證㗎!仲有所有野都要正本。

基於你旅遊的目的,你應帶備以下各項

所有人: 任何地方曾因任何原因被拘捕或定罪嘅犯罪/法庭紀錄

學生: 最近的學校成績表、成績報告單及學位/文憑證明。亦請帶最近財政證明,例如銀行月結單、定期存款單。

在職成年人: 帶備由你的僱主發出的受僱信及最近三個月的糧單。

商業人士及公司董事: 帶備你於公司的職位及薪酬證明。

探訪親屬: 你的親屬的身份狀況副本(例如綠卡、入籍證書、有效簽證等)

以往曾到美國的訪客: 若你曾到訪美國,請帶備證明你的移民或簽證狀況的任何文件。(十年前果D都要-如果仲係度)

若你到美國是為了治療,除了出示上述文件及領事官員可能需要的文件外,你亦應準備以下文件:

1.由本地醫生發出的醫療診斷書,說明你的病況以及你需要前往美國治療的原因。
2.由美國醫生或醫療機構發出的信件,說明願意治療該病人,並詳述預期需要的時間及治療費用(包括醫生費、住院費及所有藥物相關費用)。
3.申請人或機構負責支付你的交通、醫療及住宿開支的財務證明文件。證明個人有能力支付這些費用的證明文件,通常為銀行結單或其他收入/儲蓄結單或入息稅單的公證副本。

Q: 面試地址係邊度?

A: 美國駐港澳總領事館
地址:香港中環花園道26號
電話: (852) 2523-9011
傳真: (852) 2845-1598
營業時間:周一至周五早上8:30-下午5:30

坐MTR地鐵的話,請於中環站G出口,再沿長江集團中心行上去,其實就在梅夫人和山頂纜車站對面。

Q: 面試流程係點?

A: 你interview果日記住提早15分鐘到達。當進入領事館後,會先做第一次保安檢查,一般來說手提電腦是不可以帶入內的,門口會有指示。

  • 職員會再次核對你的身份,核對成功會在你地護照後面貼上label。
  • 此時如未有證件相,可以在館內拍即影即有。
  • 如已有證件相,則繼續排隊到櫃檯。職員會先檢查護照,收取你的證件相。
  • 之後便要做第二次保安檢查,這次會相當嚴格,身上的手提電話、任何電子儀器都需要存放於保安室,不得帶進館內。
  • 進入面見室,先排隊打指紋。此時,先要把你護照後的label貼在櫃檯窗前讓職員scan你的身份,然後在scanner上放上手指,十隻手指都要。
  • 指紋套取成功後,便前往另一條隊等面見。過程不會叫名,是排隊順著去的模式進行。
  • 夫婦或者一家人去申請,可以一同面見,不用分開。

Q: 點可以增加成功機會?

A: 除咗準備好所有資料之外,有一個大重點就係誠實。唔知就唔知,唔好老吹 (除非你英文好勁) 同串嘴。當然,面試當日要準時、得體,注意言行舉止、禮貌!面試官嘅觀感決定咗你簽證嘅成敗(其實都好主觀)!

Q: 面試會問啲咩問題?難唔難?

A: 其實interview過程十分簡單,一般都係得幾分鐘。唔洗擔心英文唔好,面試官都只係會用一啲簡單嘅英文問你,最主要都係想知道你去美國嘅目的。(佢都係打份工) 只要有準備旅遊嘅基本規劃同提供到相關嘅證明比面試官睇就可以一take過。

面試問題有不同種類,大概會是以下這些:

  1. 你將會前往哪裡?
  2. 你的職業是什麼?
  3. 旅費點黎?
  4. 去美國邊度玩?
  5. 你自己一個去嗎?/你會和其他人去嗎?
  6. 你以前去過哪些地方旅行?
  7. 你去哪裡做什麼(千萬別只答” Sightseeing” ,可以答詳細一點,如會去哪個景點玩,為什麼你想去呢?)
  8. 預計留多少天?
  9. 有親戚在美國嗎?(最好答「沒有」)

Q: 簽證通過就代表一定可以入境美國?

A: No! 能否入境嘅決定權喺海關手上。

Q: 美國Visa 仲有咩野要注意?

  • 在網站所支付的所有費用均不予退還。請確保你已付款,並獲得了收據號碼。
  • 簽證不能保證進入美國
  • 簽證允許外國公民進入美國口岸並提出入境申請。
  • 只有美國國土安全部和美國海關與邊境保護局(CBP)官員可以決定簽證持有人能否入境。
  • 你不能使用過期簽證進入美國。當你進入美國時簽證必須是有效的。

One thought on “[簽證攻略] 美國Visa 簽證懶人包

Comments are closed.