臺北誠品生活南西店9月正式開幕

臺北誠品店又多一間喇，今次介紹嘅就係臺北誠品生活南西店。由於新光三越南西店二館，已經喺今年5月已經結束咗營業啦，而接手嘅就係誠品。經過誠品嘅重新裝修下，大樓會喺今年9月20日正式開業。而且今次會有三間日本名公司進駐誠品生活南西店，唔使去日本都可以買到日本嘢喇。

首先要講下，呢個誠品生活南西店有幾大先。全店一共有六層樓，並且會與一百公尺之外R79串聯成為臺北市西區最大嘅書店, 攜手提供最多元化嘅文化活動, 務求令你阿一整日都可以喺呢個商場裏邊活動, 商場天花以圓弧拱頂設計，場景就好似一間間嘅放映廳，每本書都演繹著一部精彩嘅故事電影。

誠品為左吸引人流, 首次與六大品牌合作, 為商場注入新元素。當中有本地品牌亦有海外品牌。

而本地品牌就以神農市場嘅小農安心食材為賣點。神農市場以食物與食材雙向還原概念，邀請市民親自品嚐漁民日常吃的海鮮飯等各式風味，你仲可以選購自行料理返屋企慢慢煮。

而臺灣家飾美學品牌寬庭，亦都誇足餐飲事業，於臺北誠品生活南西店開設全台獨家，about KUAN, 當中主打ALL DAY 早午餐。

位於四樓嘅文化設計品牌更加不可以錯過，當中包含咗一百個臺灣原創設計更有DIY手作，鍾意睇生活精品嘢嘅人一定唔可以錯過啦。

海外嘅店鋪更加不容忽視, 首先要講下就係日本最有名嘅藥妝店，松本清。喺以前要買日本藥妝，尤其是松本清呢啲大鋪頭都需要飛過去日本買先至有，但係由今年9月開始呢就唔使喇。去臺灣都可以順便掃埋日本貨，你話係唔係好方便呢？

除此之外, 要介紹嘅就係日本人氣鬆餅店FLIPPER。呢間野相信唔需要我多介紹啊。大家去到日本就見到依間店排曬長龍，梳乎厘鬆餅都只需要270臺币, 當中更有臺灣限定嘅草莓梳乎厘鬆餅。

最後一間就係大家都去日本打卡嘅咖啡店, 猿田彥咖啡店。臺北誠品生活南西店係佢哋第一間嘅海外咖啡店，而且會長期有日藉咖啡師駐守, 確保沖出嘅咖啡令人感覺到啊有日本嘅幸福感覺。

去依個地方一般需時大半日, 而且由於太多人氣商店進駐, 因此最好住在附近酒店, 尤其是帶住小朋友的旅客，可以早d去排隊。下面有幾間在附近的推介酒店比大家:

誠品南西店

地址：10491台北市大同區南京西路14號（地圖按此）

交通: 地鐵中山站
網址：https://meet.eslite.com/