香港去陽江 / 陽江去香港方法

如果大家有需要要由 香港去陽江 或者由 陽江去香港，可以參考一下以下嘅交通方案。筆者為大家詳細列出以下方案，並且根據自己經驗試為大家提供建議。

方法1: 直通巴士

大家可以去環島巴士嗰度買飛，而且上車嘅地點眾多，有得簡港島區或者新界區同埋九龍區, 一應俱全，而且票價好平，坐喺架車度又唔使點樣轉車，未嘗唔係一個又平又舒服嘅選擇。

筆者經驗分享: 如果坐嗰啲直通巴可能會因為天雨問題而有延誤，以筆者嘅經驗，曾經試過有司機漏左個乘客喺中途站，唔記得等埋佢哋然後開咗車，等到架車啊開咗成個半鐘，先至發現漏咗乘客，巴士公司老闆打畀佢，叫佢返轉頭接番個客。就係因為咁樣而令到小編成個旅程由六小時變咗九小時。

另外買飛亦都最好早一日買, 如果唔係隨時沒有位。

方法2: 香港西九龍站坐高鐵去到廣州南，再轉火車。

呢個方法筆者曾經嘗試喺陽江轉車去廣州南，再由廣州轉車去香港西九龍站，點知發現，買飛係要早一兩日，如果唔，就會完全鋪位, 連企位都冇。

筆者分享: 值得留意嘅係香港人沒有中國內地身份證，所以在網上係買唔到車票, 一定要去櫃位買, 而櫃位條人龍好長，而且到咗你嘅時候想買嘅車次都冇曬喇。

最後就要由廣州南搭的士去廣州東站，再由廣州東站轉車去深圳，再由深圳轉返火車去羅湖。