[2019年報告] 邊間旅行社最平? 去旅行社買套票定散買平D?

又係時候總結一下今年旅行社價格走勢，今次小編就以香港人最愛的日本作為比較，睇下香港邊間旅行社賣日本機票最平，同埋邊間食水最深，結果會否令你有驚喜? 小編在比較旅行社時，主要簡左幾簡香港主流旅行社作比較，而旅行時間、航班及目的地都是一樣。

機票比較條件:

航班: ANA香港直航來回日本東京 |
去程: 9:40 – 15:10 <-> 回程: 18:25 – 22:15

日期: 2019年9月21至27日

機票最平同最貴相差只有$200

最平旅行社是主打一家人出遊星晨旅遊，連稅後價錢為 HKD3,957。最貴的反而係主打日本專線旅行的東瀛遊，價錢為$4,157! 兩者價錢相差$200。

雖然東瀛遊機票價錢貴了$200，但是買機票+酒店套票會唔會平過經網上平台分開賣呢? 始終叫做主打日本線。我地就用番相同的設定，但在搜尋時選擇套票功能。

首先，如果用星晨旅遊去買套票 (ANA機票 + 6晚酒店)，酒店選擇比較熱門的銀座蒙特利拉蘇瑞酒店，為4星級酒店。以兩個成年人計算，連稅後價錢一共為HK$13,672。

咁主打日本線的東瀛遊又點呢？可能會令大家失望。。。。。答案係$13,804!

但係，如果我地用機票格價網站 Skyscanner 再加埋酒店格價利器 hotelscombined 找出最平酒店平台為 Agoda)，發現所需費用一共為HK$12,935 (機票HK$7,732 + 酒店HK$5,203)，跟最平的星晨套票比較，足足平左HK$737!

PS: 如果眼利的人會發現，為什麼經　SKYSCANNER　買永安的機票價錢會跟一開始在官網價　（$4,134/位，２位為$8,268) 的不一樣？詳情唔係依度多講，你可以睇番我地另一個post就知，依個就係我叫 skyscanner 做利器原因!

總結: 以上只是隨機測試，並不代表某一間旅行社買旅遊產品最平，所以最好用格價網站 ( skyscanner + hotelscombined ) 幫你找出最抵 deal!