新加坡商業中心區即叫即煮選擇

今次住起新加坡商業中心區, 主要係見客方便同埋因為附近食物選擇多, 而且又有幾個大型商場,所以唔怕悶親自己。

由於時間關係,去到 M Hotel 酒店都2點, 所以一check in完就即刻行過酒店對面的幾間餐廳看看有什麼價性比高啲嘢食。

見到呢間叫做訂到 the local box,中文應該譯做 “本地飯盒”。一入到去,就見到有一幅好大墻身,而且油上古代女性的樣子。

再加上西式的古董音響機, 可見店主主打懷舊 feel。

一坐低,就見到最吸引的係用罐頭造成的插用餐具罐頭。上邊仲寫住古龍食品的標籤。

一坐低點咗一個沙爹雞飯嚟食,再加多杯檸檬茶。一共盛惠八文星加坡紙。以環境黎講, 相對起香港餐廳都幾抵。

首先嚟嘅系杯檸檬茶,飲咯好甜好甜好甜,完全沒有檸檬同埋茶味,應該係糖溝水再加少少熱檸檬, 仲要係好似飲完用剩嘅檸檬一樣, (希望佢唔係啦!)。

等咗15分鐘終於嚟咗個沙爹煎蛋加雞肉嘅餐。

雞 overcooked x 2, 不過辣椒醬夠晒醒胃, 正! 加番唔少分。 炸魚同花生都好脆口。

總括黎講, $8有野食有野飲,不過不失啦!

Leave a Reply

Your email address will not be published. Required fields are marked *