去旅行成日都見依支噴水槍, 想屋企廁所擁有一個話咁易! (含教學)

相信大家去旅行住酒店嘅時候成日見到(尤其是臺灣/日本酒店) 廁所都有呢個馬桶噴水槍,去完旅行番到屋企會唔會好想即刻想擁有返一個呢?其實好簡單,而且價錢十分之便宜,三兩下功夫就搞掂。

馬桶噴水槍用途

佢嘅用途主要係用嚟洗廁所。由於設計係一個噴槍, 所以比起花灑或者水龍頭黎講洗廁所更加之有效同乾淨,而且有陣時坐廁內環有d屎沖唔去,或者屋企有男人屙尿滴到個廁所邊黃晒,用呢支槍一射就搞掂,可以慳返唔少氣力, 當然用埋廁所刷更加理想。

另外亦有內地網站指出,該工具是用來清潔婦女下體。但是小編不太同意。

邊度買馬桶噴水槍 ?

如果喺香港實在難搵到這款嘅廁所噴水槍及配件,就算俾你搵到都有機會買到次貨。

如果你係有網購開,你會即刻上全能的淘寶網搜尋一下。你確實會喺淘寶網搵到呢種產品。而且價錢十分之便宜,款式亦都十分之多。

但係小編可以話畀你知,我曾經試過貪平喺淘寶買ToTo這個名牌嘅水龍頭。未夠半年就已經打柴,而且條喉穿埋漏水,搞到我半死。所以話一分錢一分貨。

因此小編建議大家最好買外國貨,一來質量有保證。雖然價錢有機會貴少少(大概貴HKD100內), 但係如果你同時加埋埋其他產品 (手袋或家具),集運過嚟香港其實都好抵。始終用3-7年, 計埋一日都唔使一毫紙。無謂為左平幾十蚊而冒險。

下面就係幾款比較多人推介而且有不少好評嘅產品。

1.JP Bathroom Master’s Full Pressure & Leakproof Handheld Bidet Toilet Sprayer Kit 一套 (USD29)

2. Premium Stainless Steel Bathroom Handheld Bidet Toilet Sprayer (USD39.97)

3. ANZA Handheld Bidet Sprayer Set (USD31.99)

如何安裝廁所噴水槍?

其實廁所噴水槍嘅配件唔多。幾粒螺絲,一條喉,最重要當然係個噴槍啦。下面為大家蒐羅咗一個安裝教學片段,幾分鐘就學識,快靚正。



最後要講就係每個人屋企個座廁及大廈設計都唔同,如果冇信心就揾專人幫你安裝。