信用卡唱錢 攻略 – $0都可以去旅行

好多人都會好似我噉到咗大時大節就會使突咗, 當發現自己使多咗錢嘅時候又見到網上有平機票、平酒店等,但係自己嘅現金所剩無幾,就會變得好悽慘地冇得同朋友一齊去旅行。就算有信用卡可以用嚟買機票同酒店, 唔係嗰個國家嘅所有地方都可以接受信用卡, 當地消費點樣都有機會要用現金。有見及此今次小編就為大家介紹一下點樣可以係冇錢嘅情況之下都可以即時用 信用卡唱錢 去旅行。而且仲可以有錢賺。

信用卡唱錢 有妙法

我介紹呢個方法之前首先有幾樣嘢大家必須要有:

A: 一張信用卡並有一萬文或以上嘅信用額 (咪玩啦! 張張卡都得啦), 最好喺新申請嘅信用卡, 因為有現金回贈, coupon 或者迎新禮品。

B: Payme app, 而且將上面嗰張信用卡連結到呢個 app, 並且設定了轉出金錢的銀行戶口。

信用卡唱錢 流程教學

有齊以上兩樣野大家就可以隨時隨地手頭上多咗最少$2000現金。點樣做? 實際操作很簡單,大家可以參考以下程序。

Step 1.首先大家要將 payme 進行 top up (見下圖), 而家每月最大嘅限額係$2000。(當然你可以喺月尾最後一日 Top up $2000,再喺第二個月頭一日再 Top up $2000,即係等於有$4000使費。)

Step 2.之後大家只需要將$2000或所有餘額轉帳到自己銀行戶口 (如果食開飯、買開野都係你幫大圍畀曬錢先, 人哋再畀返錢你, 你個電子錢包應該有多過$2000嘅餘額) 。

Step 3.呢個時候你應該發現你嘅銀行戶口會多咗一筆錢。呢一筆就係你去旅行嘅使費喇。若果你有兩個人去的話,即係代表你哋至少每人可以有$2000嘅旅行使費, 加起嚟最少有$4000喺當地用嚟搭車同埋買手信等嘅開支, 買嘢食飯就用信用卡。(如果你月尾同月頭各套盒一次就每人有$4000,兩個人就有$8000使費喇。)

Step 4.去到呢度仲未完,因為你仲要將筆錢實際地從銀行戶口度攞出嚟先至叫做正式退換外幣/唱錢。兌換外幣有兩種方法:有一種係可以喺銀行嘅ATM裏邊直接撳外幣,ATM當然有限制外幣嘅種類,例如美金、日元、人民幣、泰銖、加拿大幣。而且唔係間間銀行既ATM都有依個 function!

另外一種就係你喺銀行ATM張港紙撳出嚟,然後再到香港嘅找換店兌換外幣,手續係繁多D,但有機會兌換價錢靚仔啲。想了解香港找換店邊間最抵同埋唱錢攻略,可以參考依篇文章

Step 5.你可能會問噉點解會有錢賺? 因為有啲信用卡 payme topup 都可以當係消費,例如 citi bank, standard chartered 同 DBS。所以了衹要達到每張信用卡嘅迎新要求嘅消費開支你就可以得到,迎新禮物一般包括百佳現金券、SOGO現金券或者亞洲萬裏通里數。

至於邊張信用卡最好用? 我只能說各有各好。如果你急住用錢的話,我建議你申請Standard chartered,由SUBMIT 文件後5天內,小編已經收到張卡,不過儲 Asia Miles 就唔係太好用。相反,渣打張卡申請成2個月都未有消息,仲要不斷被交文件,但係佢儲 MILES 就最好用。DBS就係兩者中間。

One thought on “信用卡唱錢 攻略 – $0都可以去旅行

Comments are closed.