台灣投資移民 教學 101 – 問與答

有見近年有唔少人都問及我台灣投資移民方法及程序,小編雖然未試過移民台灣,但係揾左移民成功及參考左唔少移民顧問及台灣移民網站既資訊,再加以整合,為大家提供下面Q&A資訊以作參考。

相關文章: 5分鐘詳解 移民台灣方法 | 逃犯條例之後……

台灣投資移民 教學 Q&A

Q1: 定居, 永久居留, 居留, 停留, 依4個名即係指乜嘢?

定居: 即係等於我哋成日講嘅永久居民, 亦即係入藉衹要符合咗臺灣政府規定嘅條件,就可以申請入籍臺灣成為中華民國嘅永久居民, 並且可以享有各種嘅福利。

永久居留: 即係只以外國人嘅身份喺臺灣沒有限期地居住,但係就唔可以享有一般國民可以得到嘅福利。

居留: 即係以外國人嘅身份喺臺灣居留超過六個月, 並且衹要符合居留嘅條件,例如讀書工作專業人士或者一家團聚就可以申請居留。

停留: 即係指我哋一般去旅行以旅客身份喺臺灣逗留唔超過六個月需要申請臺灣簽證,港澳居民亦都可以喺網上申請一次性或多次性嘅入台證,亦都叫落地簽證。

Q2: “居留証”同埋”國民身份證”有啲乜分別?

國民身份證即係喺臺灣有戶籍嘅國民身份證亦即係等於香港嘅三粒星身份證,由內政部批核並且發出。當然有國民身份證亦可以擁有臺灣國民護照。

相反如果祇有居留證就冇咗國民可以享有嘅權利, 同時都唔會有臺灣護照,亦都冇投票權, 但唔需要服兵役。佢最主要嘅用途係證明你合法喺臺灣居留嘅身份證明文件, 同時亦都係由內務部批核發出。

另外,”居留証”同”居留入出境證”又有分別。居留證者只有一張居留卡,價錢為$1000,有效期內可以在台灣居留。若你要出入台灣的話,就要有出入境證。而居留入出境證只有居留卡及出入境證,又可以留台居住,又可以多次出入境台灣。

Q3: 臺灣嘅專業移民技術移民係有乜要求?

技術移民基本上唔需要投資任何金錢就可以快速地成為臺灣居民, 香港澳門嘅居民有特別嘅專業資格例如,醫護人員,律師, 會計師, 建築師等等衹要喺臺灣居住滿一年, 而且離境唔超過30日就可以申請入籍臺灣。

Q4: 投資移民到台灣一定要做生意嗎?

一定要的,除非你有專業嘅資格否則都要投資到臺灣開公司做生意。

Q5: 投資移民到台灣可以做啲乜嘢生意?

經濟部有200幾種可以經營嘅項目畀大家選擇大家唔想由零開始亦都可以選擇頂讓現成生意。當中網上商店以及藝術性工作亦都可以接受。

Q6: 台灣投資移民嘅要求幾多錢資金?資金是否可以動用還是要留在銀行中不能使用?

投資移民嘅金額其實有上限就係600萬臺币, 但是沒有設定下限, 而啲資金係可以動用的,你唔需要一次過用曬600萬去投資一樣嘢。

而600萬其實可以用嚟購買同你開嘅公司有關嘅設備及平時嘅開支。如果你滿足咗成為臺灣嘅居民身分之後就可以正式結束係臺灣嘅公司,並且將淨返嘅資金攞返。所以投資嘅實際金額係豐儉由人的。

台灣護照

Q7: 投資移民可唔可以直接購買在當地嘅台灣公司?

可以但係要自己衡量風險, 因為張600萬臺币一鋪過直接投資一啲你唔識嘅人身上,你就要諗清楚,而且金錢千祈唔可以經第三者收付, 萬一遇人不淑就會一鋪清袋。

Q8: 當喺臺灣設立咗公司之後有冇話營業額需要去到幾多先可以成申請入籍?

暫時沒有這一項嘅要求,但一定要用心做同埋唔可以做假。根據過來人透露,最好一年的營業額保持在台幣300,000 以上,更有人講過負數都可以入藉。始終要第一年有回報賺大錢並不容易。

Q9: 可唔可以用嗰600萬臺币嚟投資移民買樓收租?

物業租租賃及物業買賣本身係一個可以作為投資移民嘅項目, 但係自從二零一九年嘅反占中運動起因為太多香港人經呢個方法去投資移民,所以臺灣政府已經唔接受呢兩行嘅申請。如果有移民公司跟你講話係可以, 大家就要小心喇, 因為佢哋嘅資料絕對唔係最更新的, 更可能想賺你錢而唔係幫你。

Q10: 投資移民可唔可以同時間喺當地返工?

可以但係只限係自己所開設嘅公司業務。

Q11: 我有仔女在20歲以下可否過來讀書?

可以, 但係你需要為佢哋取得居留證當取得居留證之後佢哋將佢同本地,人嘅小朋友有同等嘅教育待遇。

Q12: 當成為臺灣嘅國民後要有乜嘢業務需要履行?

成年男仔要服兵役,全國人民亦都需要參加全民健康保險每個月需要繳交保費, 而保費嘅多少就係按工作收入而定,就算沒有工作都需要付款每個月為749元。

Q13: 香港人可以係台灣銀行開戶口?

可以,但要居留證及地址證明,最重畏係要有統一證號。另外,最好有印章。另外,存款最好用港元或美元,個滙價好D。

Q14: 唔想經移民公司,自己攪投資移民基本程序係點樣?

找台灣專業會計師 –> 撰寫投資計劃書到投審會核准 –> 尋找台灣的擔保人以申請長期居留證 –> 申請無犯罪記錄證明書 –> 留台一年 –> 申請入籍台灣手續

以上資訊只供參考,若要得到最準確資訊,請跟你的移民專家查詢。