Asia Miles 就快到期,但受疫情影響可唔可以退番miles或延長到期日?

小編近派收到好多有關 Asia Miles查詢,主要係講自己儲左好耐既 Asia Miles 就快到期,但去唔到旅行,又唔知疫情幾時完結,唔敢亂訂機票,但唔用又會到期作廢,該如何是好? 另一邊廂,有D網友更慘,話自己2019年尾用 Asia miles 換左機票,會今年復活節出發,但估唔到一個肺炎殺到黎,問一家4口既機票可唔可以退票? 今次小編就一次過為大家解答疑問。

1.Asia Miles 就快到期,可以點做?

相信大家最關心就係 Asia Miles 會唔會變垃圾! 答案係唔會,但大家要自己登入一下自己個 account 睇下幾時到期先。如果你既積分就快到期,請你立即用”即時對話”功能跟服務員講要延長積分到期日,理論上佢地會即時幫你延長。

咁你又會問,如果用2019年Asia Miles 換左機票但又飛唔到咁點? 其實好多人都唔知,你可以要求退番做積分,而積分唔會因為上年到期而令到你而家退番黎既積分變做過期,因為佢地會幫你延長番個有效長,就好似下面既朋友咁,2019年8月到期既miles經過里數退還後有效期足足延長左1年。

2. 換左機票又唔想退番做積分里數,可唔可以免費改期?

聰明及悶到爆燈既朋友可能會覺得當疫情消失之後,一定會有一大班香港人請假去旅行去過夠,補償番咁多個月以黎既苦悶,所以驚到時一票難求,希望將機票延期到某一個安心飛既月份,起碼攞左入場票先。

咁問題就黎啦,究竟改期需唔需要比手續費? 一家幾口咁樣改法,分分鐘手續費仲貴過自己去買機票。

作為一間想留住客戶的公司,Asia Miles係依方面做得比其它公司好,佢地可以幫你免費更改一次同樣行程的航班日期,不過只是一次而已,所以唸清楚,計好晒風險先好做決定。

下面例子就係有網友更改芬蘭航班到今年6月尾先飛。Good Luck!

3. 唔想換機票可以點做?

Asia Miles 就快到期但又唔知幾時疫情先完結,同小編一樣既保守派可以考慮換酒店或一此家電/日用品,雖然冇機票咁抵,但起碼唔會浪費左D miles,你亦可以考慮賣比人賺番少少錢,或者送比朋友,但唔好預計賣到好價錢。

–>Asia Miles 新里數計劃好左定差左?