必睇~ 教你最快儲Asiamile換免費機票,每個月都可以免費去旅行!

成日聽到身邊D人話坐飛機唔洗錢,十個有九個都話用Asiamile換免費機票,有時仲比人反問自己點解唔儲Asiamile咁蠢! 大佬,鬼唔知阿媽係女人,唔係樣樣野都有得儲Asiamile! 不過,經過小編一番研究之下,發現原來有好多野都可以儲Asiamile,每個月換張來回免費機票都唔係咁難啫! 而家小編就一次過將研究所得分享晒比大家!

 

網上買機票:

真金白銀俾錢撘飛機,所儲到既Asiamile飛行里數多少視乎航程距離及所購買的艙等,經濟客位的Class S,N,Q可儲25%,其他100%。 經旅行社買package的話,通常機票也可以儲到,但唔多,大概25%左右,但係團體票(例如Class O)就唔可以儲Asiamile飛行里數,所以參加旅行團就九成九儲唔到。

 

如果CX Holiday有package 做特價, 更可以經CX Holiday book! 因為好多時都有mileage送,如去日本, 500~1000miles不等!

 

信用卡簽帳:

信用卡積分是可以兌飛行里數的,兌換率視乎各銀行而家。較為抵用的DBS黑卡是HKD6=1飛行里數,其他卡大約由HKD8至HKD15換1里不等。

 

留意部份銀行會收取手續費。其實儲Asiamile飛行里數最緊要識計數,例如有大筆數要簽(買樓、去旅行、交學費、買電器等),就記得睇下當其時有咩卡做緊迎新優惠/推薦計劃/簽帳獎賞,務求賺取最多的回報。 海外簽賬睇到既Asiamile飛行里數仲多,如 DBS 海外簽賬$4一里, AE呢排好似$3一里!

 

顆伴機構消費:

於指定食肆或酒店等地方消費,可享不同的Asiamile飛行里數獎勵。大家會唔會有時約食飯諗好耐都唔知去邊? 不如睇下邊間餐廳可以儲Asiamile飛行里數個網站係 http://goo.gl/YT59ui!小編就發現大部分嘅餐廳都做緊$2送1里嘅優惠,如果食餐$800嘅飯,已經可以賺到400里,呢個數仲未計你用信用卡可以得到嘅額外飛行里數!以 渣打Worldmiles卡 迎新1蚊1里為例,一餐飯得到嘅Asiamile飛行里數係400 + 800 = 1200里!食夠十零餐就有張來回台灣國泰機票(15,000里)。

至於酒店多數係國際連鎖品牌,房價唔平,所以要睇返洗費預算而睇下住唔住喇,或者可以住一晚嘆下。其實以食肆計,大部份都係酒店餐廳,如果你成日出trip或因工作需要成日請客食飯又可以開公司數,其實好快可以換到張機票。

 

用“易賞錢”換Asia Mile:

唔講你唔知, 易賞錢可以換Asia Mile嫁! 唔好淨係以為佢換來換去都係“百佳”product!易賞錢喺百佳、Watson’s同豐澤都有得儲Asiamile飛行飛行里數,儲每400易賞錢積分都可以換100飛行里數!你只需要喺換之前進入Asia Miles個網頁,並將帳戶連落易賞錢Account度就可以喇!

 

洗衣店洗衫:

如果你經常都會幫襯洗衣店嘅乾洗服務,就唔好忘記賺埋d飛行里數啦!大家只要去雅潔洗衣店洗衫滿$150,每$8就可以換到5里,記住喺洗衫之前向店鋪出示你的亞洲萬里通會員卡就有Asiamile儲喇!

 

亞洲萬里通i-shop:

i-shop係賣乜?其實佢係一個網上商店,有好多唔同商店都有合作,例如上面講的洗衣店就係例子之一。另外,你係呢啲店買嘢就會有唔同飛行里數送番俾你,Apple Shop個Rate係1美元換0.75飛行里數。所以大家下次網上Shopping前記得睇下i-shop會唔會有飛行里數換啦!買花送比女朋友都得嫁。

 

租車:

去旅行自駕遊時,留意番有幾間大型租車公司租車都可以賺到飛行里數。而家Hertz、Avis同Crown Motors等等公司租車都可以儲到飛行里數,由250到1,000里都有,手續簡單: 租車前Show你張Asia Miles會員卡就得喇!喺外地簽帳用 American Express 往往都會特別抵,所以大家都可以考慮申請一張跟身!

 

做身體檢查:

做身體檢查原來都可以儲飛行飛行里數wo!只要在卓健醫療購買指定體格檢查或疫苗注射計劃,就可以$2換1飛行里數。

 

外幣找換:

大家去外地旅行成日要換外幣用,你平時又會幫襯邊間呢?原來唔同國家嘅Travelex找換都可以得到飛行里數優惠!優惠喺每一個國家都唔同,所以大家係唱錢時記得出示張會員卡儲飛行里數呀!

 

金飾珠寶:

結婚擺酒都免不了會買下鑽戒同金飾,例如TSL謝瑞麟買珠寶會有飛行里數回贈!每8,000蚊就會有800飛行里數送俾你,如果大家一次過買晒成套龍鳳手鈪同結婚戒指分分鐘已經夠換免費機票去度蜜月!

 

Agoda網訂酒店:

如果大家有用開Agoda網上訂酒店嘅話,其實每一次成功訂房都會有每$10換1里嘅優惠!不過,最重要嘅係,你在訂房時必須經由呢個link訂先有Asiamile儲:www.agoda.com/asiamiles,而且係確認訂單前要提供你嘅亞洲萬里通會員號碼。當你去個5日4夜嘅短Trip,每晚酒店$800左右的話,你喺Agoda已經賺咗320里飛行飛行里數!下次你去Agoda訂房之前記得用呢個優惠啦!

 

Esso油站:

而家入油都可以賺飛行飛行里數! 只要你有參加Esso油站Smile車主獎賞計劃,每儲5 Smiles積分就能換到1里飛行里數,而每入1公升Synergy F-1特級汽油就可以儲到15 Smiles積分,以一般私家車油缸容量40公升為例,只要你入滿油缸一次就賺到600飛行飛行里數啦! 不過手續有點煩,首先需要填好「亞洲萬里通」飛行里數轉換表格並交回表格。而取表和交表都可以任何一間Esso油站做到。

 

坐船去澳門:

而家大家每次坐TurboJet噴射飛航去澳門,每一張船票都可以賺到200飛行里數!要得到呢個優惠,你要直接喺碼頭Counter買船飛,買嗰時Show你張會員卡就得喇!去一次澳門來回已經可以得到400里,係唔係好抵先!

 

國泰航空免稅店:

喺飛機上面買化妝品同首飾出名平過市面,仲有好多免稅店限定款式,出面揾唔到嫁!你又知唔知,喺飛機上面購物,可以得到每$5 = 1里嘅優惠?如果你用嘅係American Express國泰信用卡,買滿$500或以上,仲可以得到$5 = 2里優惠添!

 

服裝鞋屐化妝品購物:

而家係Aerosole,Columbia同埋Rockport 買野都會有每$8換5里嘅優惠!你只需要喺埋單時出示會員卡就可以得到呢個優惠!有時用Asia Miles會員卡仲可以有額外折扣添 。所以大家去行街買野果時記得要拎你既Asia Miles 會員卡出黎呀!

另外,而家喺Clarins同mTm買嘢出示Asia Miles會員卡,都會有$8 = 5里嘅優惠,喺Guerlain買嘢則有$8 = 1里嘅優惠!Clarins同mTm最低消費為$500,而Guerlain最低消費則為$1,600。

 

參觀貿發局展覽:

最少人知應該係依個,原來大家去貿發局嘅展覽都可以賺到飛行飛行里數!之前既展覽如美食展都有250-750飛行里數送你!申請方法如下:

 

會員須於每個展覽會舉行前到香港貿易發展局展之網頁登記成為買家。

收到香港貿易發展局之確認電郵後,在指定限期前到有關網頁為相關之展覽會辦理登記手續,方可賺取飛行里數。之後請到買家推廣櫃檯 / 買家團服務櫃檯出示你的「亞洲萬里通」會員卡及個人名片辦理登記,以確認入場記錄及獲取展覽會之確認收條。

 

Leave a Reply

Your email address will not be published. Required fields are marked *