K11香港瑰麗酒店住一晚要$5000, 有咩野賣點? 值唔值得入住?

自從K11新商場開幕之後, 多左人識得依間新世界收購既美國品牌酒店- 香港瑰麗酒店。有朋友話見近期香港酒店業咁差, 點解依間酒店仲可以貴到成$5000一晚, 有冇咁抵住? 相信有唔少人都有相同問題, 所以小編一次過為大家介紹下佢有咩野賣點再同其它酒店比較一下。

首先我地睇下似個VIEW先,香港最貴就係海景地皮,而依間酒店就享有地理位置之便,而依樣野當然要反映係價錢上啦。


查看更多相片

香港瑰麗酒店賣點

  • 酒店擁有無邊際泳池, 長25米
  • 八成客房可擁攬維多利亞海港壯麗景色
  • 全天供應的免費美食、手工調製的飲品
  • 泰國前總理他信嫁女亦都選這裡舉行婚禮
  • 客房中的奢華浴室同樣大受網紅歡迎

$5000咁貴, 香港瑰麗酒店好唔好住?

以10月頭為例, 格價神器 hotelscombined 找出1晚海景房最平要$5100!

首先, 抵唔抵住係好”相對”既事, 我地需要有 “比較” 才能找出答案。首先我地以周邊既幾間酒店同瑰麗酒店作出多方面比較:

無邊際泳池 及 海景房

香港唔只有一間酒店係有無邊際泳池, 單單尖沙咀/九龍區都有幾間, 而且都係25m長, 可以望海景。例如嘉里酒店 Kerry Hotel , 九龍海逸君綽酒店 Harbour Grand Kowloon, W Hotel

嘉里酒店 Kerry Hotel

九龍海逸君綽酒店 Harbour Grand Kowloon

而價錢上, 同樣都係海景房, Kerry Hotel 只需要$2000, 足足平過瑰麗酒店一倍有多!

以位置來說, 瑰麗酒店並非最近維港海景, 所以小編覺得單以海景及無邊際泳池作賣點收$5100一晚有點貴。

另外港島區更有離地二十幾樓而且底部既全透明泳池 – 香港英迪格酒店 Hotel Indigo Hong Kong, 係唔係更有睇頭?

房間大細

再以Kerry Hotel 作比較, 海景豪華特大號床間有42 平方公尺。 而 Harbour Grand Kowloon海洋特大號床套房更有 98 平方公尺!

再睇下瑰麗酒店, 海港景特大雙人床房就只有53 平方公尺, 計落咪成$100呎/晚? 咁Harbour Grand Kowloon大成一倍, 又係有海景泳池, 價錢又平d, 係唔係抵玩d?

服務質素

雖然硬件同價錢有得比較, 但係服務水準就難d, 始終小編都未住過晒咁多間酒店, 但係以 Agoda, booking.com 及tripadvisor 的評分都是全滿分黎講, 瑰麗酒店員工應該經過特別培訓, 所以大部份留言都係大讚佢地既服務質素。

當然, 如果你大部份時間唔係酒店的話, 你享受到既服務就相對少左好多。所以一般黎講要有好特別既日子入住先會考慮。話雖如此, 以上提及過既酒店都唔差, 所以自己衡量一下啦!

香港瑰麗酒店
地址:香港九龍尖沙咀梳士巴利道 18 號

訂房網址: Hotelscombined | Agoda | Booking.com