SPA迷狂推介 Sanouva Danang Hotel ! 峴港超抵酒店住宿 @每日包免費Spa 強烈推薦

峴港是越南一個著名的港口城市。美國國家地理雜誌認為它是人生必游的50個景點之一,更是稱讚它是「陽光地帶,現代文明與自然的完美結合」。 今次峴港之旅為大家推介一間超值酒店,這間酒店是3星級價錢但有4星級享受的 Sanouva Danang Hotel ,非常推介大家黎峴港住呢間酒店!

峴港 Sanouva Danang Hotel

峴港國際機場離其市中心是非常之近,不足十五分鐘便抵第一晚下榻的酒店;找尋酒店小編一般用開 Agoda ,看中心水後再往 hotelscombined 比對價錢,有時候真的能節省可觀的一筆。  峴港的酒店很大部份都是單幢的,而較新的都會在門前建一條樓梯,我們的亦如是。 第一眼影入眼簾的是那黑白地磚,裝潢帶點精品酒店的潮流品味,感覺良好。
酒店附近都幾多野食,主要聚集在酒店右邊行大約5-10分鐘就有好多街邊檔、cafe同餐廳。離機場大概20分鐘的士車程。

Sanouva Danang Hotel 好新,2014年先開幕。大堂的設計走古典風,都幾靚。Front Desk 做野有點慢,但其實成個越南都係好慢好慢……香港人係會好易等到燥。

 

 

 

 

上房喇!大家唔好俾我地間房嚇親,我地今次係住 Sanouva Danang Hotel  4人房-Executive Room,訂個時其實冇概念有幾大,酒店網既相都冇乜特別,見佢平平地就訂左 (查價),去到開門個下先發現原來間房係勁大!!有客廳、飯廳、開放式廚房、兩間雙人房、每間雙人房有獨立浴室,所有基本設施都齊!成間房大過我屋企,好開心啊~~客廳同飯廳就係我地夜晚食宵夜同玩啤牌既好地方喇!!至於景觀係對面樓景,唔會太靚,不過唔重要啦!

 

 

 

 

 

 

兩間房其中一間係兩張單人床,一間係雙人床,張雙人床好似唔係一般雙人床,唔知實質尺寸,但感覺比King Size還要大,而且好舒服!房都夠大,電視、梳妝枱、小梳化、衣櫃全部都有。

 

 

 

 

 

特別一讚係浴室,超大!特別係淋浴間好空曠,真係好少見到酒店既淋浴間甘大,通常都係夠你轉下身咋麻,呢度大到簡直可以跳舞!仲係雲石質料,好似好高級。盥洗用品都一應俱全。總括黎講房都乾淨。
至於 Sanouva Danang Hotel  最普通的房型,房間面積屬於一般大小,打開兩件行李以後亦不覺得擁擠,基本的梳洗沐浴設施、免費的茶啡一應俱全,還有數件看似不好吃的歡迎糕點,整體乾淨。

 

 

最重點黎啦!就係訂這酒店其中一個最吸引人的地方是它的房價內包含每人三十分鐘的SPA。 Spa中心在4樓,地方唔大,不過環境都舒適。 小編當然抱著沒蝕底的心態下在前一天晚上預約好,吃畢早餐便乘電梯下去,去到才知有按頭/頸/膞頭/腳等選擇,而且reception個姐姐笑容好親切同埋好盡力同大家介紹佢地既spa選擇。每日入到去都會有人送上毛巾同茶俾你relax下先再想做既spa。

 

 

 

 

免費的半個鐘可以揀menu上價值200000盾的treatment,貴過200000就補差價。如果唔想補,基本上就只可以揀上半身或者下半身的按摩,其他都要加錢架喇。但其實加錢都係勁勁勁平。加幾十蚊到百幾蚊已經可以由半個鐘加到做兩個鐘甘濟,加得多仲可以叫reception姐姐送多少少其他treatment俾你添!可能係送修甲或者免費焗桑拿。其實呢度spa選擇唔算多,都以按摩、facial同修甲為主,冇浸浴同敷海底泥/海鹽/芝麻之類個d令身體皮膚滑d既treatment做。但以價錢黎講就真係好抵,如果對spa冇特別要求,每日免費做半個鐘都已經好滿足!
Spa房環境都幾舒服,會播輕柔音樂。可以同朋友兩個人一齊做或者去單人房都得。按摩姐姐的手勢都不錯。住左3晚即係做左3日spa,其實除左第一日諗住試下質素先之外,其餘兩日都忍唔住加左錢做耐d,因為真係好抵做又好舒服!!(查價)

 

 

 

早餐供應時間是由早上六時半至九時半,對於大部份晚睡晚起的港人來說可能有點辛苦,我們早上八時半抵餐廳,本來只想草草吃點東西的我發現選擇也挺多,基本有沙律、麵包、熱食和甜點水果,另外還有現煮的雞蛋和越式河粉,每一樣看起來都好像好吸引似的,貪新鮮的小編每樣拿了一點點,絕大部份的味道也不錯,吃得滿意。

另外,酒店設施唔多,spa中心之外仲有個gym room同business center,大堂有兩部電腦可以用,一間餐廳,冇泳池。硬件上可能爭少少令佢係3星酒店,但整體感覺很不錯,有4星質素。(查價)

 

至於大家最關心的房價,4人房連早餐連免費spa每晚$1000左右,即係每人先$250!!呢個價可以住到甘大甘靚既房仲有spa做真係好抵!!如果2人房連早餐連免費spa大概係$400,所以除返一個人平少少係$200。係咪好推介先?約夠4個人齊齊黎峴港玩啦!下篇介紹既別墅住宿仲正啊~

Sanouva Danang Hotel
地址:68 Phan Chau Trinh Street , Hai Chau District, Danang
交通:機場轉的士約20分鐘
房價:二人房$400/晚 ;四人房約$1000/晚 (價錢已包早餐及半個鐘spa)
網址:http://www.sanouvadanang.com/

查詢空房及價格: 按此

One thought on “SPA迷狂推介 Sanouva Danang Hotel ! 峴港超抵酒店住宿 @每日包免費Spa 強烈推薦

Comments are closed.