信用卡 - FlyOutHK

唱日元攻略 – 港幣兌日元必讀問與答，保證唱到最平最抵！日圓時跌時升，日元真係唔知幾時買最抵，加上去日本機票好平,身邊個個朋友都話要去日本掃貨，好似唔洗錢咁。到左上機前一刻，大家先開始問邊度兌換日元最抵，香港好定日本好，銀行唱日元好定百年好？為左大家利益，小弟網上爬文300篇，亦請教過成日去日本既主婦、空姐空少、銀行業朋友高層，再綜合分折並作出有層次整理為多個問與答，深入淺出。本篇文章最後亦教大家點樣用日元在 Agoda 訂酒店可以慳到錢。 *** 唱日元　＜基本篇＞*** 問: 起飛當日在香港機場以港元換日圓抵嗎? 答: walkin的話絕對不推薦！在香港機場的 Travelex 兌日圓比香港銀行及市區找換店貴，以10 萬日圓計的話，香港機場的 Travelex比匯豐貴大概300港元(3%左右)，差唔多一張去日本的單程特價機票。